Gosen Garden ah kan kal a....

Zamzo par ka hmuh hian kan la naupan zual deuh lai a kan LO ka hre chhuak a...Kan Thlam bulah Kanu theh  par chuaih te kha ka mitthla ah alo lang chuai chuai a.

Enge a nih pawh ka hrelo a par hi a thianghlim reuh em a...heihi ala par chhuak chiahlo a nia....

A han par chhuak chiah chu a mawi danglam teh a nia aw...a thianghlim khawp mai.....

Kan naupan tet lai atang tawh khan thinlungah hian a ril ve hrim hrim....

Balhla tuitak la ni mai tur a nih hi....

A hrisel chhoh zel ka beisei....

Hei pawh hi enge a nih ka hre chuanglo...

Lung a leng e mai.....Part - II

Awle i han chhunzawm leh dawn teh ang (Lung a leng e mai.....Part - I ) kan ti kan ti anga a tui theih dawn viauin ka hria.

Inrinni a lo ni a, chhungte rualin ram lamah kan han kalve changte hian chhungte tibuaitu mai mai hi kan nih thrin avangin chhungte pawh hian kan kalve hi an phal lo fo thrin reng a ni. Mahse naupang harh ta ngang chu chhungte pawn In-ah lo awm rawh an tih pawh hian kan lo ramkal leh daih thrin a nih kha. Kawi kan han lo a, khawilaiah thriante nen ngal chat vek khawp a kan han inkawihnawk laite kha alo va nuam em in ava hlimawm tak em. Kan School kalna ahte khan kan lehkhabu aiin Kawi a rit zawk emaw tih tur khawpin Ipte puar lawih khawpin kan han ak ta mai thrin a nih kha. Kan inkawihnawk zo kan han hawng a riltam em em in thil eitur kan han keih leh tawn tawn mai thrin na a kan hrisel phian tho te kha alo va mak e aw....

Damchhung khawsak lungkham buai reng kan neilo, enge kan hmalamah lo thleng dawn tih kan ngaihtuahlo kan hlim em em thrin a nih kha, khang hunlai kha alo va nuam tak em...Lung a leng e mai...

Sunday chawhnu lam her tawh ah chuan kan han in hawr khawm ta laih laih a, thawmhnaw tha kan neihve chhun chhun te pawh chu dimna chang kan hre mang silo. Daipawn khawi lai lai ah emaw kan han kal khawm a, pawl hrang hrang a inthren in sipai lemte kan han chang ang lawp lawp a. Hetianga han tih hi a nuam ve thei a nia aw....Hnahkhar hnah emaw Hnahthial hnah kan han la a, Lukhum te kan han khawr ang nawk nawk a. Hruiduk in thingtang kan han vet a(tunlaia Police tiang ang deuhte hian),. Chuan kan hmanrua turte kan peih hnu chuan...thlanmual pelh lawk a YMA ten ram an humhalh nuam em em ah chuan kan han indo lem ta thrin mai chuh engdang hi kanngai chuanglo asin. Tlai haw hunah chhungten min hau dawn tih hre reng chung pawh khan kan hlim thei hle a ni.

Vawikhat pawh inkhawm banah inthlak chuanglo khan Biakin tlang lehlampang thlang deuh a Nu Chalbuangi te huan a Janpanhlo hmun kan han bawh pet trum hian, kan thianpa pakhat hi an chechhe mai mai khawp a, Japanhlo buk bawhpet nawmhmel deuh mai hi kan hmu alawm le, a hnuai lampang pawh enfel hman manglo chuan an zuang lut thruai mai aleh...a hnuai chu Kangthrai hmun hi lo ni in a auring ve nasa a nia aw....

La chhunzawm leh tur....

Behind the Blog Title 'dr angel'

A hma daih tawh khan lo sawifiah tawh ila thra tur a nia. Ka lo ngaihtuah tamloh vang pawh a ni ange...chumai bakah a ho deuh em aw...te kati mai mai a. Mahse mi threnkhatin min han zawt ta zeuh zeuh mai a chuvang chuan heti hian ka han sawifiah dawn ta a ni.

Naupangte ka nihlai atrang tawh hian tupawh mai hian 'I len hunah enge nih i tum?' ti a min zawh hian ka chhandan chu 'Doctor' tiin a ni. Doctor nih ka duh leh chak nachhan ber hi chu an hlawhtam vang pawh a ni hranlo. Naupangte ka nihlai hian ka Nau chiah Malsawmmawia (Kei aiin Kum khatin a naupang) hi a hrisello thei hle a, ka lainatin ka khawngaih thei em em a ni. Damdawiin ah hian kan kal zing mawlh mawlh hle, Doctorte hlutzia leh trangkai zia hi ka hre chiang ve hle in ka hria. Kan tana an thratzia te ka hmuh hian mite tana malsawmna nih nawmdan tur hi ka lo suangtuah thrin a ni. Min duhsaklo tu deuh kan tawn lahin hetiang hi chu kava ni dawnlo ve aw...kati vawng vawng thrin a ni. He ka thinlunga ngaihsanna leh ngaihhlutna awm avang hian 'dr' tih hi alo chhuak a ni. Doctor tak tak ka ni tihna a ni love....chuvangin a hawrawp(letter) tranna pawh hi kati lian(Capital) duhlo a ni.

Mite tana trangkai ka ngaihsanzia chu nasa tak a ni,  a chhan ni a ka rin tak ber pawh midang mamawh em em bik ka nih vang a nih ka ring. Ka tetlai atrang tawh hian ka mit hi a thralo tawh a School ah te hian hreawm ka tih phah thei hle a ni. Thriante puihna tello chuan Black-Board a thil inziak pawh hi ka hmu thra thei thrinlo a ni....Midang hi kava mamawh bik tak em.....

Sunday School a kan zirlai ahte hian Vantirhkoh ropuizia te kanlo zir ve a....an thiltihtheihzia te chu kan han hriat hian Vantirhkoh nih chu a nawmhmel hi ka ti thei em em a ni. Mite venghimtu an nihnate hian rilru ava hneh tak em....Chumai bakah an hming 'Angel' tih hi nalh ka ti ngawih ngawih bawk a ni. An ropui em avang leh tehkhin chi rual ka nihloh avangin in a hawrawp(letter) hmasaber 'A' pawh hi ka ti lian(Capital) duhlo a ni. Heta tang hian 'angel' tih hi alo chhuak ta a ni. 

dr angel 

Lung a leng e mai.....Part - I

Kum la naupang viau mahse ka huntawn hi a danglam chak ve em avang in sawitur pawh ka ngah ve hle a ni. Heng Naupangte ka hmuh hian kum leh hun inthlak chakzia leh changkanna in a minlo chim chakzia hi min hriatchhuahtir ve hial a ni.

A ni tak a, Computer kan ngaihbon rapthlak laite kha ala reilo hle mai...Kum 15 kal ta ah te kha chuan a awmzia chu sawiloh enge anih tih pawh kan la hrelo, mahse hei tunah chuan kan hma ngeiah kan duh dan dan in ti mai teh ang kan khawih danglam ve thei ta hial te hi ava mak zawk em.....Kan zirtirtupa in a Computer thiltih theihzia min han hrilhlai te khan lung ati leng hial zawk ta mai....

Kan naupan lai chuan tive tawh mai teh ang....thilti thei kan ngaihsan dan hi kan ngaisang mai a nilo thil tak tak ni hial ah kan ngai thrin a ni....Kan Zirtirtupa in min han hrilh tak tak kha chu kan han vei mai mai khawp a, kan mumang lamah nen hian kan mang chuai chuai mai a ni.

Kan la chhunzawm leh dawn nia.....