Hlimna Formula

Vawikhat chu kan hnathawhna hmunah hna kan tran hma hian kan titi ho mai mai a. Eng eng emaw hi kan sawi kual deuhduah a, chutia kan titi ho laih laih lai chuan  “MAHNI INBUK” tih hi ka rilru ah hian a rawn lut thut mai a. A mak ka ti khawp mai a tran tirh chuan. Han ngaihtuah ve chhinla han inbuk ve dawn teh le…. I nun a I hlimlohna chhante, I lungawilohna zawng zawng te, vanduai bik riau a I in ngaihna te, rethei bik riau a I in hriatna zawng zawng te kha han buk dawn teh le….

I hun kal tawh atrang khan I hlimna chhan tur leh nangmah siama hmangaih em em tu che LALPA PATHIAN i zuina chhan turte kan buk chhuak dawn a ni…Hei hi lawm “HLIMNA FORMULA“ ti a ka han tihve ringawt chu.

He kan khawvel hun hmawr tawh tak, thihna leh thil rapthlak tak tak hriattur a tam tak em em na hunah hian I vanneihzia leh I hlimna chhan turte kha ava tam tak em….LALPA PATHIAN chu a hnungzuia atan chauh a nung tur I nihzia te I hmu chhuak uar uar ngei ang…. Han inbuk tak tak teh le….“HLIMNA FORMULA“ hmangin.

Awle, I inbuk dan tur kan sawi tawh ang… I nuna I lungngaihna leh hlimlohna, lawmlohna zawng zawng te kha I in bukna tur buklung lehlamah hmangla. Chuan I hlimna te, lawmna te leh malsawmna I dawn zawng zawng te kha I in bukna buklung lehlamah khan han hmang leh  la….

A hnuai a lem ang hian…..

I teh dan tur han sawi leh dawn teh ang… Zingah dam takin I han tho ringawt mai te kha engvang nge, tu vang nge? Engatinge I rawn thawh leh mai? Mi tam tak chu tho chhuak zolo in an muhil hlen a sin. Mitam tak chu an mut hlan in anlo rawk a sin. Leimin ten a hnawl a sin, kangmei vang ten an thi a sin. An hmangaihten mual an liamsan a sin. Heng zawng zawng hi nang chuan engvangin nge I tawh veloh? Han ngaihtuah teh nangmah ah khan thiltum a nei a nilo maw…? Engvangin nge a ven him bik che…? I lawman tur ava tam tak em…. I lawmna buklung atan hmang rawhle…

I hnathawhna hmunah I han kala motor in emaw I kala tluang tak in I thleng ringawt maite kha engvang nge…? Motor accident in mi tamtak an thi a sin, kalkawng ah I kal laite khan motor in su che in I thi mai thei a sin, mi tamtak a su hlum tawh a sin. I mit(Eye) in khua a hmuthei ringawt mai te kha I va han vannei tak em.. Mitdel tamtak an awmna khawvel anih hi. Engvangin nge I hmuhtheih bik le…?    Lawm a arawng chauh bawl tur inihzia hi I haider reng dawn em ni? I lawmna buklung atan hmang rawhle…

A lehlamah chuan I lungawilohna te, hlimlohna te leh mite aia vanduai bik riau a I inhriatna te kha han dah leh la. Hnathawh tur thra I neilo maw? Eitur tuihnai thra I neilo maw? Mite angin thawmhnaw thra I neilo maw? Mite aiin I rilru a chaklo bik in I hria maw? I hmelchhe bik in I hria maw? Mite angin Bike, Mobile Phone, engkim mai I neilo/thralo bikin I hria maw?  Khangte kha  buklung lehlamah han hmang teh le…

Khangte kha I inbukna tur kalhmang chauh a ni. A dang a tam lutuk I inbukna tur. Han ngaihtuah vang vang la I hriat zawng zang kha han thliarhrang teh le. Chuan khawi lam nge buk rit zawk?

PATHIAN nangmah duhtaka siam che a, hmangaih em em tu che hi engatinge ila hawisan fo ni? Engatinge ila zui duhloh fo ni? Engatinge a duhloh zawng ila duh fo ni? A rawngbawl tur I nih zia hi han inbuk chhuak teh. I nun kha han buk tak tak teh le. Sual a nung ngam tur kan nihloh zia te, a rawngbawl tur kan nihzia te, a duhzawng chauh a awmtur kan nihzia te hi han buk chhuak la… I nunkha siamthra tur ini lovemni? A rawng chauh bawl tur in leh a tan chuah a nung turin I rilru kha han buatsaih rawhle.  Chutichuan, he “HLIMNA FORMULA” hmang hian ilo hlim thei dawn a sin.