Krismas diktak i hmang ang u.

Han tive leh ringawt mai teh ang. Hun kha leh chen ka lo vahbo san tawh ram lam ah sulhnu nunhluite chhuiin hun va hmang teh ang ka tia. Hun neilo hle mah ila he hun tawite hi amten hman kan tumve teh ang.

Lenrual hluite ka dawn changin hman ngaih a zual, lunglohtui dawt a zamual min liamsan tate thinlaiah an thar leh thin. Hnutiang chhawnin pailral ram min kaisan tawh mahse kan tum Van nuamah khian intawh leh kan beisei. Chu kawng min hawnsaktu LAL ISUA piancham ropui KRISMAS hi ava hlu em.

He hun alo thlen hian mitin mai mahni duh zawng zawng ngaihtuah in kan buai phili em em thin a nih hi. Mahse he hun min siamsaktu LAL ISUA hre leklo hian kan buai ang tih hi ava hlauhawm em. Kan tana a buatsiah chhan pel rak khawp a hun lo siam ve te hi ava awl dawn em. Inngaihtuah chian kan va ngai tak em. Hawh u i inngaihtuah chiang ila min buatsiah saktu tan hian i hmang ve ang u.

Ka chhungte nen kan hman ho lohna pawh alo reive ta hle mai. Ka mikhual duk tawh ang ka ring. Dam chhung khawdak buaina vangte hian chhungkua pawh hmang ho theilo in kan buai chu a nih hi mawle. Engemaw kan damchhan le? Heti em em a mahni kan in hmangaih le.!

Min siamtu hian eng atan nge min siam tih pawh ngaihtuahna chang hrelo a mahni duh dan dan a nung hi kan va tam tak em.

LALPA min siam chhan hi, he khawvel a min dah chhan hi min hriattir rawh tih hi ava hun em. He Krismas ah hian chu nu chu phurchhuak theuh turin i in buatsiah ang u. Chutichuan Krismas diktak kan hmang dawn nia.

I chawisang leh ang u.

Tunlai khawvel changkanna hian minva han chim hneh tawh tak em. Mahse hnampui kan tih ho te hi chuan an culture hi an kalsan mai mai ngailo a sin. Nupui/pasal inneihna kawngah ngat phei chuan. An hmanzia hi chawisan an tum zawk ni ber in a lang.

Keini ho hi han ngaihtuah ve teh ang le. Kan hnamzia hi chawisan kan tumin alang em le? Ram leh hman hmangaihtu inti te hian kan phatsan a ni zawk lo maw? Tlawmngaihna kawngah   lah tlawmngaihna nun tak tak nei hi hmuhtur anva tlem  sawt tak em.  Nupui/pasal inneih kawngah lah changkanna a ngaiin hnamdang tih dan hi kan duhzawk bawk si. Kan hnam hi chu kan va han ropui har dawn tak em ka ti thin.

Sum leh pai a mi hausa te hian an neih sum te hi hnamzia humhalhnan hian han thawh chhuak ve thei sela aw. An nun pawh hi ava hlimin ava nuam dawn zawk tak em. Mahse chutiang miho chu hnamdang nun senglut hnem ber an loni bawk nen, kan nun hi ava hahthlak tak em.

Kan hnam incheina mawitak mai te kha kan Nupui/pasal neih ni te hian han zahpuilo ila chuan ava ropui dawn em. Chuti chuan kan sum leh pai ramdang a tam tak luang chhuakte hian kan ramah hna a thawk thei zawk dawn si a. Heng avang a tullo deuha kan insenral na zozai te hi min siamtu Pathian tan han hmang ila kan hlim zawk lovangemni?

Kan hman nunze mawi leh incheina te hi hnamdangin min chawisan sak dawnlo, keimahni lo chuan tunge chawisang anga, tunge humhalh tehlul ang? I inngaihtuah chiang teh ang u. Kan thlalak hmuh te hi ava mawiin ava ropui tak em… Nang leh keilo hi chu an awm chuanglo a sin kan hnam humhalh a, venghim a, chawisang tur hian. Ka Mizo pui duhtakte u ka sawm a che u, he hnam kan hnam nunze mawi tak leh incheina te chawisang tur hian. Hengte hi Pathian minpek ani a sin.

Mizo nih ava zahthlak ta em?

A then chuan ni e….. inti mai thei, mahse a nihna lai tamtak awm mahse a nawmna lai pawh hi ala tam khawp mai. Mizo nunze mawi kha I han thlir nawn leh teh ang u.

Hmanlai kan Pi leh Pu te hunlai a anlo inzirtir nasat thinzia te kha kan hrephak vek kherlo mai thei mahse lehkhabu leh thildang atangte in kan hre tlangpui awm e. Thingfawm rual an nihlai atangin aia upate zah pawimawhzia hi an in zirtir nasa hle a, thuawihlo an awm chuan an inzilhhau nasa thei hle a ni. Chuvangin an nun ah khan aia upate zahna hi a lian thei in hmun a changsang hle a ni. Naupang fel leh tha chuan an aia upate thu an awih thei em em a, thuawihlo naupang chu Valupaten an zilh thin a ni.

Khatiang Thingfak a Kawngka kalh hunlai kha chuan an khawvel an luah chin kha zaulo mahse, an khawvel kha a zauin a zelen asin. Kawng hrang hrang ah an thla a muang em em a, an nun kha a zelenin an in tluktlang a ava nuam dawn tak em. Tun hun ah hian han tawng leh ila tunge nuam tilo anga, tunge duhlo ang?

Tunlai khawvel chhe tawh tak hi aia upate zah leh rinawmna hmang hian kan siamtha thei asin. Kan ram dai a zau tulh tulh a, kan khawvel a zim tulh tulh a nih ber mai hi maw.  Bank ah han kal ila a zat an chhiar mai duh tawk tawhlo in a lem a awm em tih check leh vek a ngai a hun ava hek duh em. Misual te, duham te, mirinawmlo te hian kan khawvel zau deuh hi an ti zim asin. Hawh u I siamthar leh ang u.

Mizo te kan changkang chho ve zel a, mahse kan Mizona nunmawi kha kan hlamchhiah tulh tulh a ni. Kan Mizona nunmawi tak nen khan a changkan theih asin. Hawh u kha nunmawi tak kha khawvel changkanna hmang hian I tarlang zawk ang u. Social networking lamah te hian Mizo chanchin rapthlak tak tak hraittur ava tam ta em. Heng changkanna hmang hian hawh u kan nunze mawi tak kha I pholang zawk ang u.

A tawp ber ah chuan ka thalai puite u, ka sawm a che u kan nunze mawi tak kha nang leh kei hian kan tung nung leh thei asin. Nang inih lohin tunge tungding leh chuang ang?