Han tive leh ringawt mai teh ang. Hun kha leh chen ka lo vahbo san tawh ram lam ah sulhnu nunhluite chhuiin hun va hmang teh ang ka tia. Hun neilo hle mah ila he hun tawite hi amten hman kan tumve teh ang.
Lenrual hluite ka dawn changin hman ngaih a zual, lunglohtui dawt a zamual min liamsan tate thinlaiah an thar leh thin. Hnutiang chhawnin pailral ram min kaisan tawh mahse kan tum Van nuamah khian intawh leh kan beisei. Chu kawng min hawnsaktu LAL ISUA piancham ropui KRISMAS hi ava hlu em.
He hun alo thlen hian mitin mai mahni duh zawng zawng ngaihtuah in kan buai phili em em thin a nih hi. Mahse he hun min siamsaktu LAL ISUA hre leklo hian kan buai ang tih hi ava hlauhawm em. Kan tana a buatsiah chhan pel rak khawp a hun lo siam ve te hi ava awl dawn em. Inngaihtuah chian kan va ngai tak em. Hawh u i inngaihtuah chiang ila min buatsiah saktu tan hian i hmang ve ang u.
Ka chhungte nen kan hman ho lohna pawh alo reive ta hle mai. Ka mikhual duk tawh ang ka ring. Dam chhung khawdak buaina vangte hian chhungkua pawh hmang ho theilo in kan buai chu a nih hi mawle. Engemaw kan damchhan le? Heti em em a mahni kan in hmangaih le.!
Min siamtu hian eng atan nge min siam tih pawh ngaihtuahna chang hrelo a mahni duh dan dan a nung hi kan va tam tak em.
LALPA min siam chhan hi, he khawvel a min dah chhan hi min hriattir rawh tih hi ava hun em. He Krismas ah hian chu nu chu phurchhuak theuh turin i in buatsiah ang u. Chutichuan Krismas diktak kan hmang dawn nia.
Krismas a lo thlen hian, krismas awm chhan ber Lal Isua ai mahin a behbawma hlimhlawpna hi kan uar in kan ti nasa zawk mah mah thin. Chhungkaw kima krismas hman theih te hi a hlutzia pawh kan hre lo fo thin.
ReplyDeleteMahni nihna ang angin krismas kan hmuak thleng leh dawn a, zu in miin zu nen a lo hmuak ang a, drugs ti thin in drugs hmanraw chikim nen a lo hmuak ang a, eiru thin pawhin a eiruk sum tam tak nen krismas a lo hmuak ang. Pathian faka hlim taka zai chunga krismas hmang tu te hian krismas dik tak chu an hmang thin niin ka hria.