Lung a leng e mai…..Part – III

A lengve thin bawk em a ni, hun kha leh chen kalo chenna leh ka pianna khua ngaia lunglen a reh thei hian ka ring thei ta meuhlo a ni e. Anialawm khang hunlai kha a lo va han ngaihawm tak em... Kan la naupan chhiat leh zual lai a ni bawk a, engmah tak tak kha kan la ngaihtuah lemlo. Kan nun kha a zalenin a thawveng em em bawksi a, tunge khang hunte kha thlahlel lo bik ang le? Inchhungah tangkaina tak tak kan la neilo a, chhungte pawn min en ve mai mai a ni deuh ber hian ka hria. Kan duh dan dan khan kan nung a kan nuam tih zawngte kha a ho in ala nep em em vang pawh kha a ni mahna chhungte pawh khan min vei ren run lemlo in a lang.

 

School chawlh ni apiangin ramah kan kala Thang kam hunlai in Thang kan kam a, Sava veh hunlai in Sava kan veh a, Lui kal hunlai in Lui ah kan kal a. Ava nuam tak em. Chhungte'n hnathawka min han hruaive lah in tlailam inkhel hman a haw ngei ngei kan tum bawk a engmah kha kan thawk kaw ve tak tak pawn ka ringlo e. Chhungte pawi erawh chu kan sawi em em chuanglo. Kan tangkai em em chuanglo bawk a. Vawkchaw zawn te, Tui chawi te, Tual phiah te, an duhna a pianga min han tirh vel mai loh kha chu tangkaina kanva nei tlem tak em. Kan ninhlei deuh leh min hau a engahmah kan ngai lemlo, nauoang fel nih kha chu a harlo ngawt mai Tlangval ho tirh a thuawih taka kal theih zel kha chuan naupang fel kan ni mai.

 

Mahse ka nin deuh pakhat a awm a chu chu tlailamah hian thiante ho hi mualah hian an in fiam luih luih a, chumi bul lawk ah chuan Ka Pu hian (tunlai ah chuan Special tuition ang hi a ni mai ang chu) mi pakhat (Udingtea) hnenah hian Mathematics hi min zirpui ziah a, a kiang lawk ah thiantre an ri nuai nuai kar a lo zir bik kha chu a har duh khawp mai. Mahse Ka Pu (Lalchhana) in minlo hmangaihzia kha ka upa tulh tulh a ka hrechiang tulh tulh a ni. Ka tan hian alova inpe tak e aw.....thiante zingah pawh a dawih bik ka nih kha a hlau em em a min fuih nasa thei khawp mai. Tunhnu a ka hlawhtlinna chhete te te hi han hreve hman se aw...ka va han ti tak em...

Helai lamlian ah te hian tihtur nei em em lo hian kan kal kan kal peih nia mawle. Sunday ah hlei hlei hian a lunglen thlak in a nuam duh phian lehnghal a nipui lai phei chuan. Khang hunlai hmanlai an chang ta mai tur hi phallo mah ila a tih ngaihna a awm chuang silo. Ka U daih tawhten hla an lo tuipui ve em em thin te kha keini ngei mai pawh hian kan kurpui ve ta ngawih ngawih mai. Hun leh ni te alo in her danglam zel a panlai ngaih lunglen hi a reh tak tak dawn chuangin ka hrelo kei hi chuan.

 

Heihi kan khua chu a nia, a khaw thleng hi a nuam ve a nia aw...thingtlang khau ah chuan Motor kawngpui pawh in a pawh har na pawl khua a ni, mahse a nuam kan ti ve em em tho asin. Chumai bakah tun thleng pawh hian kan la ngai em em tho a sin.

Aw ka pianna khua MUALLIANPUI ka va han ngai tak che em...damchhung khawsak buaina vang hian ka kalsan i ngai si a...theih nise i tangnem bel a, khawvel changkanna tawng phaklo dawn mah ila chen ka nuam e i kaingah ngei hian.