Ka Nu ka hmangaih che asin.

He khawvel ah hian ka lo pian chhuah ve nana mi pawimawh tak chu ka Nu hi a ni. Pathian kaihhruaina hnuaiah hreawm tamtak tuar chungin min lo hring chhuak a. Thihna kotlang ah keimah vang hian alo ding tawh asin. Ka tan hian a theih tawp a chhuah zel a, rual ka pawlloh hlau in ka tan a thawk hah em em a ni. Thiante zingah a rual hnufual bik ka nih hlau in min ngaihtuah em em a. Ka damlohin min duat in min enkawl tha em em thin a ni. Lungngai leh mangang a ka awm lai pawh a min fuih tu ber a ni. Beidawn chang tamtak a nei ve ngei ang mahse ka mit hmuh ah hian a lan tir ngailo. Ka NU hi a lova han hlu tak em.

Nausen ka nih lai atanga min hrechiang em em tu leh min enkawl thin tu chuan min hrechiang em em ang tih hi ka ringhlello a ni. A ni chuan ka chhiatna tur a duh ngailo a, engkimah ka tana tha tur zawngin min ngaihtuah thin a ni. Harsatna te ka tawh hi a hlau em em a, harsatna tawklo leh damna hriselna tha ka neih theih nan a theih tawp a chhuah thin. Ka tan a a hlutzia ti zual em em tu chu ka tan hian a TAWNGTAI reng thin hi a ni. Harsatna dang a awmloh chuan Zirtawpni (Friday) tlai ah hian ka tan chaw ngheiin a tawngtai ziah thin a ni.

Kei ka lo thanglian ve zel a, tleirawl han awm kawih deuh ka neih ve changte hian a rilru hi a na em em thin a. Mahse ka tan a a tawngtai chu a thlahthlam chuanglo. Engmah ngaihtuah lo a ka han nun ve bawk bawk changte hian a tawngtai tam zual sauh emaw tih tur a ni. Hmun hla takah a hmuhphak loh ah awm mah ila, a thinlung ah chuan ama kiangah min dah reng thin ni hian ka hre thin. Ka tana thu tha tamtak min hrilhte hi han ziak chhuak dawn ila chuan phek tam ava ngai dawn em.

Heti taka min hmangaihtu Ka NU hmangaihna hi ka damchhung pawh hian ka rul zo seng dawn chuanglo tih ka hria, chuvangin a hlimna thlentu nih zel hi ka tum tlat a ni. Mi tamtak chuan kan Nu te hi eng ang takin nge kan lo hrem thin ang aw ka ti thin, mahse tunah chuan kei zawngin hrem a hne in a hlimna nih tlat hi ka tum tawh asin.

Ka NU ka damchhung zawng leh khawvel lo la awmzel tur atan pawh ka tan chuan khawvela NU ROPUI ber i ni asin. He NU ROPUI ber nihna NOPUI hi itan ka hlan e. Ka NU ka HMANGAIH che.