I thinlung ah eng angin nge a luh ve?

Vawiin Kan Lal Isua Jerusalem a LAL anga a luhna ni (Tumkauni) alo thlen hian ka thinlung ah thil tam tak a lo thleng a. Jerusalem mipui te khan an thinlung ah LAL nihna diktak an pe tih a chiang em em a ni. Mahse han inngaihtuah ve mah chhin teh ang u, kan thinlung ah hian LAL diktak ang in kan ngai in kan luhtir em? Inngaihtuah chian kan va ngai tak em. Kan Lal Isua hian enge kan lakah hian a beisei a, enge ti tur a min duh tih hi kan ngaihtuah ava pawimawhin, kan diklohna laiah te kan insiam that ava ngai tak em.

Mipui sum an ruksak meuh emaw chu...?

Tunhnai mai khan chanchinbuah leh Local news lam ah te kan hmu fo a, mobile phone subscriber-te, a bikin pre-paid hmang tute service provider hrang hrang ten an balance an cut sak, advertisement call tam lutuk tih vel. Keipawn ka ning ve thin khawp mai, mahse Chieif Secretary meuh han pun nan chuan a nep lua ka ti deuh, keimah in ka inbuaipui ve mai thin.  Mahni a thil tihfel theih vek a ni in ka hria.

Lung a leng e mai…..Part – III

A lengve thin bawk em a ni, hun kha leh chen kalo chenna leh ka pianna khua ngaia lunglen a reh thei hian ka ring thei ta meuhlo a ni e. Anialawm khang hunlai kha a lo va han ngaihawm tak em... Kan la naupan chhiat leh zual lai a ni bawk a, engmah tak tak kha kan la ngaihtuah lemlo. Kan nun kha a zalenin a thawveng em em bawksi a, tunge khang hunte kha thlahlel lo bik ang le? Inchhungah tangkaina tak tak kan la neilo a, chhungte pawn min en ve mai mai a ni deuh ber hian ka hria. Kan duh dan dan khan kan nung a kan nuam tih zawngte kha a ho in ala nep em em vang pawh kha a ni mahna chhungte pawh khan min vei ren run lemlo in a lang.

Chhimtuipui (The Biggest River in Mizoram)

Tunlai chu ka thatchhe ang reng lutuk a Blog pawh ka update peih meuhlo a ni. Post hote in kartawp han khar dawn teh ang.  Ho tilo pawh an awm mai thei bawk...

Mizoram chhim lam chhuak kan nih miau avangin engemaw chang hian kava zin phei ve leh zeuh zeuh thin a, tun tuma ka rawn phochuah tur hi chu ka kal kawng a mi, mite tan a malsawmna tam tak thlentu a nih rual rual lai a, thenkhat tan lungngaihna thlentu ni bawk Chhimtuipui thlalak vel ka rawn chhawp chhuak a ni e.

 

Khita lo lang raih Lei (Bridge) khi a sei khawp mai.

Chhim lampang a achhuahna a nih hi.

A piah deuh hlek atangin...

A kuang zaulai tak hi a langkim thei chiahlo a....

Heihi Mar-boat (spelling ka ti sual em ka hrelo) a ni a, hemi hmang hian Motor chi hrang hrang an thiar kai thin a ni.

Tui chhung a Balu anla chhuak thin a, he ka thlalak hunlai hi thlasik vanglai tak a ni vawtve khawp ang. Lawngah hian Engine an vuah a atha ve reuh khawp mai.

Mi tamtak te eizawnna thatak a siamsak rual rual in mi tamtak te chuan an nunna hial pawh an channa hmun a ni thung si.

He Tuipui hi hei aia tangkai hian kan chhawr theih ngei ka beisei.

Happy Valentine's Day

Khawvelah kan la awm miau avangin he khawvel a thumal mawi ka tih ber mai chu HMANGAIHNA hi a ni. Vawiin ni alo thlen hian ka thinlungah a thar lehzual asin. Kan LAL ISUA khan min hmangaih avangin kan tan a thi a, nunna kan neih phah a ni, ava hlu in ava ropui tak em. I hmangaih ber tan khan i nunna i hlan ngam ve angem? Han inngaihtuah teh le hmangaihna diktak hlutzia chu i hrethiam ngei ang.

He khawvelah hian hmangaihna chi hrang hrang a awm in ka hria chung zawng zawng chu a inchen veklo ang bawkin a inanglo hle bawk ngei ang. Nu leh Pa hmangaihna te, Unau in hmangaihna te, Ngaihzawng in hmangaihna te leh thian in hmangaihna te hi a in chenlo in a in anglo hle bawk ngei ang, mahse hmangihna vek chu a ni si a. Tunge i hmangaih ber le?

Kei ka hmangaih ber ni a ka hriat chu ka han sawi ve dawn teh ang. Ka hmangaih ber tan chuan engpawh ka huam a ni. Engpawh tih hian ava huam zau tak em...harsatna hrang hrang thiha khawp hial pawh nise ka hmangaih ber tan chuan ka inhuam a ni. Inneih thu tiamlai a kan thian a nuamah pawh hreawm ah pawh tih kha ava hlu em...damchhung atan hian a pawimawh takzet a ni kan hlimna atan hian. Nulat tlangval in hmangaihna hi a hlu lutuk tho a mahse hmangaihna diktak chu nupui pasal inneih hnuah chiah hian a thleng niin ka hria.

Ka hmangaih ka Duhlai ka damchhungin ka HMANGAIH ang che..