I thinlung ah eng angin nge a luh ve?

Vawiin Kan Lal Isua Jerusalem a LAL anga a luhna ni (Tumkauni) alo thlen hian ka thinlung ah thil tam tak a lo thleng a. Jerusalem mipui te khan an thinlung ah LAL nihna diktak an pe tih a chiang em em a ni. Mahse han inngaihtuah ve mah chhin teh ang u, kan thinlung ah hian LAL diktak ang in kan ngai in kan luhtir em? Inngaihtuah chian kan va ngai tak em. Kan Lal Isua hian enge kan lakah hian a beisei a, enge ti tur a min duh tih hi kan ngaihtuah ava pawimawhin, kan diklohna laiah te kan insiam that ava ngai tak em.

He ni alo thlen hian kan zavai tan hian malsawmna ni ngei se kava ti tak em. Hun kha leh chen LAL anga lo ngai tawhlo te tan pawh kan tan LAL a nihzia inhrilh thar leh ila, min tlantu a nihzia te hre thar lehin, kan tana LAL diktak chu chibai i buk ve ang u. Kan thinlung ah hian LAL angin luhtir ve ila, a LALna ram hi lo zau leh mawlh rawhse.

Kan thinlung ah hian tunge LAL ber a kan dah aw...? Han inzawt theuh teh ang u. Kan nitin hnatawh nge? Kan chhungkua nge? Kan bialnu/bialpa nge? Kan zirlai nge? Kan LAL ISUA aia LAL hi kan lo ngah lutuk chuan ava pawi dawn tak em. Kan thinlung ah hian a LALna chu puang chhuak zel ila, keimahni teuh ah hian lo LAL sela, kan LAL ISUA ram chu ava zau dawn tak em. Khawvel a ram changkang ber AMERICA ah chuan Pathian ringlo tu an pung zel, an hma lakna pawh a chak lutuk. Mahse, kan rin kan PATHIAN ah hian chiang ila, atan chuah a kan nun kan hman hi a pawimawh tak zet a ni. Heng PATHIAN (kan PATHIAN) ringlo tute lo pung zel hian PATHIAN tello pawh in hlim an inring a, mahse a tawpah chuan kan PATHIAN ah chuah hian a ni hlimna dik chu a awm tih hi anla hre dawn tho si a. I tawngtaipui ang u.

Nimin chanchinbu pakhat ah ka chiar phei chuan a rapthlak ka ti tekzet a ni. Poster ah te "Pathian a awm tak tak lo. Mangang lovin hlim takin i nun hmang rawh" tih thuziak te chu a lar tawh hle ani awm e. Keini ringtu te hian tihtur kan va ngah tak em. Amah kan rin PATHIAN rinchhan in hmalam i pan zel ang u.

Vawiin ni alo thlen hian kan thin lung ah a mah chu LAL ah i thlang thar leh theuh ang u.

Marka 11:9-10 Tin, a hma lama kalte leh a hnung lama rawn zuite chuan, "Hosanna! Lalpa hminga lo kal chu fakin awm rawh se, ram lo thleng  tur, kan Pa Davida ram chu chawimawiin awm rawh se. Chungnung berah khian Hosanna!"  tiin an au va.